Ötən il 35,000-dən çox ailə Böyük Toronto Ərazisini (GTA) tərk edib və onların böyük hissəsi yaşamaq üçün Kalqarini seçib. GTA-dan köçənlərin təxminən 3 faizi, yəni təxminən 2,500 ailə, Kalqaridə məskunlaşıb.
“Environics Analytics”in mütəxəssislərinin sözlərinə görə, əlçatanlıq və xüsusilə daha geniş yaşayış sahəsi axtarışı gənc insanlar və böyüyən ailələri GTA-dan daha aşağı həyat xərcləri olan bölgələrə yönləndirən əsas amillərdəndir.
“Environics Analytics” in müştərilər üzrə baş direktoru Rupen Seoni bildirib ki, “şübhəsiz ki, GTA-da bahalı mənzil bazarı buna təsir göstərir. İnsanlar iş və yaşamaq üçün daha əlverişli şəraiti olan yerlərə köçürlər”.
O əlavə edib ki, köç edənlərin bir qismi əvvəlcə GTA-ya immiqrasiya edən, daha sonra isə Kalqari, Edmonton və ya Vankuver kimi şəhərlərə hərəkət edən şəxslərdir.
GTA-dan köçənlərin əsas istiqamətləri belədir:
Simko County, Ontario – 10.4% (3,651 ev təsərrüfatı)
Hamilton, Ontario – 3.2%
Kalqari, Alberta – 3.1%
Vaterlo, Ontario – 2.9%
Böyük Vankuver – 2%
Niaqara Regionu – 1.9%
