Kanadanın ən tanınmış qəhvə şəbəkələrindən biri olan “Tim Hortons” bir fincan qəhvənin qiymətini artırır. Kanada üzrə qüvvəyə minən bu qiymət artımı restoran şəbəkəsinin inflyasiyaya uyğun qiymət siyasəti tətbiq etməyə qərar verməsindən sonra baş verib. Bu, son üç il ərzində şəbəkənin ilk qəhvə qiyməti tənzimləməsidir. Tim Hortons bildirir ki, 1,5 faiz artım “tamamilə məntiqlidir,” çünki son üç ildə Kanadada ümumi inflyasiya təxminən 7 faiz olub.
Şirkətin məlumatına görə, qəhvənin topdansatış qiyməti son üç ildə 100 funt üçün 158 ABŞ dollarından 390 dollara qədər artıb – yəni iki dəfədən çox. “Tim Hortons”un hesablamasına əsasən, bu artım “hər fincan üçün orta hesabla üç sent” təşkil edir.
