“Cineplex” iyun ayı üçün ailəvi filmlər proqramı ilə yenə də kinosevərləri sevindirir. Şirkətin iyun ayı üçün hazırladığı “Family Favourites” proqramında həm böyüklər, həm də uşaqlar üçün maraqlı filmlər yer alıb. Hər filmə biletin qiyməti 3,99 dollardır, bu da ailəvi həftəsonu istirahəti üçün büdcəyə uyğun seçimdir.
Öncədən plan qurmağı sevənlər biletləri onlayn ala bilərlər. Onlayn alış zamanı əvvəlcədən yer seçimi və rəqəmsal biletlərin paylaşılması üçün ilk dörd biletə görə 1,50 dollar xidmət haqqı tətbiq olunur. Scene+ üzvləri yalnız 1 dollar onlayn sifariş haqqı ödəyirlər, CineClub üzvləri üçün isə bu ödəniş tamamilə ləğv edilir. Bilet qiymətlərinə müvafiq vergilər əlavə olunur.
Ünvanınıza yaxın kinoteatrlarda seans vaxtlarını yoxlayaraq iyun ayında təqdim olunan filmlərdən yararlana bilərsiniz.
“Charlie the Wonder Dog”
📅 6 iyun, şənbə
Utancaq Danni adlı oğlan öz xəyal dünyasında sevimli iti Çarli ilə birlikdə superqəhrəman macəraları yaşayır. Bir gün Çarli sirli şəkildə yadplanetlilər tərəfindən qaçırılır və əsl supergüclərə sahib olur. Beləliklə, o, dünyanın ən böyük superqəhrəmanına çevrilən Charlie the Wonder Dog olur.
“KPop Demon Hunters” (Birlikdə Oxuma Tədbiri)
📅 13 iyun, şənbə
Netflix-in məşhur filmi əsasında hazırlanan bu xüsusi nümayişdə tamaşaçılar HUNTR/X və Saja Boys qrupları ilə birlikdə filmin sevilən mahnılarını oxuya biləcəklər.
Tədbirdə kostyum geyinməyə icazə verilir. Lakin tibbi maskalar istisna olmaqla üz örtükləri, silahlar və ya silaha bənzər əşyalar qadağandır.
“Gabby’s Dollhouse: The Movie”
📅 20 iyun, şənbə
Gabbi və nənəsi Gigi avtomobil səyahətinə çıxırlar. Lakin Gabbinin çox sevdiyi oyuncaq evi qəribə pişik həvəskarı Veranın əlinə keçir. Gabbi öz dostları olan Gabbi Cats ilə yenidən bir araya gəlmək və sevimli oyuncaq evini geri qaytarmaq üçün macəraya atılır.
“GOAT”
📅 27 iyun, şənbə
Sony Pictures Animation studiyasının yeni animasiya-komediyası olan “GOAT” tamamilə heyvanlardan ibarət bir dünyada baş verir.
Film böyük arzulara sahib kiçik keçi Villd’n bəhs edir. O, peşəkar “roarball” komandasına qoşulmaq şansı əldə edir. Bu sürətli və sərt idman növündə adətən dünyanın ən güclü heyvanları yarışır. Komanda yoldaşları əvvəlcə kiçik keçinin komandada olmasından məmnun olmasalar da, Vill hamıya sübut etməyə çalışır ki, ölçü hər şey demək deyil.
Əlavə kampaniya
3,99 dollarlıq Family Favourites filmləri ilə yanaşı, Cineplex iyun ayı ərzində hər çərşənbə günü xüsusi kampaniya da keçirir. Bu kampaniya çərçivəsində kanadalılar VIP kinozalında adi bilet qiymətinə film izləyə bilərlər.
