2026-cı ilin may ayından etibarən Ontario ştatının Brampton şəhəri Kanadada diqqətlə izlənilən daşınmaz əmlak bazarlarından birinə çevrilib. Səbəb isə qiymətlərin artması deyil, ipoteka ödənişləri ilə bağlı çətinliklərin getdikcə artmasıdır.
“Equifax Canada”nın məlumatına görə, Bramptonda 90 günlük ipoteka gecikməsi göstəricisi 2025-ci ilin sonu və 2026-cı ildə təxminən 0.6%-ə çatıb. Bu isə Kanadanın milli ortalaması olan 0.26%-dən iki dəfə çoxdur.
Ən diqqətçəkən məqamlardan biri isə bank tərəfindən məcburi satış hallarının son 10 ilin ən yüksək səviyyəsinə çatmasıdır. 2025-ci ildə Bramptonda 43 məcburi satış qeydə alınıb. Müqayisə üçün deyək ki, 2022-ci ildə satışa çıxarılan evlərin sayı cəmi 5 idi.
Ekspertlər bildirirlər ki, bu vəziyyət bəzi alıcılar üçün fürsət yaratsa da, riskləri də artırır. Xüsusilə ilk dəfə ev alan şəxslərin qərar verməzdən əvvəl bazarı və maliyyə şərtlərini diqqətlə analiz etməsi tövsiyə olunur.
