Cineplex aprel ayının 29-da məşhur “$5 Çərşənbə axşamları” kampaniyasını yenidən bərpa edir. Sözügedən tarixdə bütün Kanada üzrə Cineplex kinoteatrlarında tamaşaçılar cəmi 5 dollara (əlavə vergilər daxil deyil) ümumi giriş bileti və kiçik ölçülü popkorn əldə edə biləcəklər. Onlayn bilet alanlar üçün həmişə olduğu kimi, sifariş haqqı əlavə ediləcək. Bu da üzv olmayanlar üçün ümumilikdə 6.50 dollara, Scene+ üzvləri üçün isə 6.00 dollara başa gələcək. CineClub üzvləri isə ödənişsiz əlavə onlayn bilet alma imkanına sahib olacaqlar.
Bu təklif standart kinoseanslara şamil edilir. IMAX və UltraAVX kimi premium formatlara baxmaq üçün əlavə ödəniş tələb olunur. Həmçinin, Scene+ üzvləri çərşənbə axşamları bilet qiymətlərinə əlavə 10% endirim əldə edirlər.
Qeyd edək ki, sözügedən kampaniya Cineplexin çərşənbə axşamları keçirdiyi “Big Deal Tuesdays” adlı davamlı endirim proqramının bir hissəsidir.
Foto: Cineplex
