Toronto Universitetinin Səhiyyə Şəbəkləsi (Health Network) tibb tarixində ilkə imza atıb. Kanadada ilk dəfə dayanmış ürəkdən istifadə edilərək ürək köçürülməsi əməliyyatı həyata keçirilib. Əməliyyat sentyabrın əvvəlində Torontodakı General Hospitalda baş tutub və Toronto Universitetinin Peter Munk Ürək Mərkəzindən doktor Seyed Alireza Rabi tərəfindən idarə olunub.
S.A.Rabi bildirib ki, ürək transplantasiyası inkişaf etmiş ürək çatışmazlığı üçün yeganə həyat qurtaran müalicə üsuludur. Amma bir çox pasiyentlər gözləmə siyahısına belə düşə bilmir və bəziləri donor orqanı almadan vəfat edir.
