Ötən həftə sonu Kanadanın Kalqari şəhərində ilk dəfə Azərbaycan Festivalı keçirilib. Baker Parkında düzənlənən festival İradə Şamilovanın rəhbərliyi və Azeri Calgary Stars qrupunun təşkilatçılığı ilə baş tutub. Tədbirə maliyyə dəstəyini Alberta Hökuməti və Kalqari Şəhər meriyası verib.
Festivalda Amerikada yaşayan müğənni Röya və Rizvan da çıxış ediblər.
İ.Şamilova bizimlə söhbətində festivalın Azərbaycan mədəniyyətinin Kanadada daha geniş tanıdılmasına böyük töhfə verdiyini deyir: “Gələcəkdə də bu ənənəni davam etdirmək niyyətindəyik”.
