2026-cı il FIFA Dünya Kuboku rəsmi olaraq start götürüb və Vankuver ilk oyununa ev sahibliyi edib. Şənbə günü keçirilən qarşılaşmada Avstraliya Türkiyəni 2:0 hesabı ilə məğlub edib.
Vankuverdəki BC Place stadionunda keçirilən ilk Dünya Kuboku oyununu 52 497 azarkeş izləyib.
Avstraliya ilk hissədə Nestory Irankundanın vurduğu qolla hesabı açıb. İkinci hissədə isə yarımmüdafiəçi Konnor Metkalf komandasının üstünlüyünü artırıb.
Türkiyə topa sahib olma və zərbələrin sayında üstün olsa da, Avstraliyanın 22 yaşlı qapıçısı Patrik Biç etibarlı oyunu ilə seçilib və qapısını toxunulmaz saxlayıb.
Bu qarşılaşma Vankuverdə keçiriləcək yeddi Dünya Kuboku oyunundan birincisi olub. Şəhərdə oyun öncəsi çoxsaylı azarkeş yürüşləri və izləmə tədbirləri təşkil edilib.
Avstraliya bununla Dünya Kubokunda ardıcıl altıncı iştirakına qələbə ilə başlayıb. Türkiyə isə 2002-ci ildən sonra ilk dəfə mundialda iştirak edir.
Hər iki komanda ABŞ və Paraqvayın da yer aldığı D qrupunda mübarizə aparır.
Dünya Kuboku oyunları iyunun 19-da davam edəcək. Avstraliya ABŞ-la, Türkiyə isə Paraqvayla qarşılaşacaq.
Vankuverdə növbəti oyun isə cümə axşamı keçiriləcək. Kanada millisi turnirdə ilk qələbəsini qazanmaq üçün Qətərlə üz-üzə gələcək.
Foto: THE CANADIAN PRESS
