2024-cü ildə Kanada hökuməti 483 min 395 yeni daimi sakin (permanent resident) qəbul edərək yeni rekorda imza atıb.
Kanadanın daimi sakin qəbulu: İllik artım və hədəflər
2015-ci ildən bəri Kanadada immiqrasiya ilə bağlı rəqəmlər sabit şəkildə artıb. Hətta qlobal hadisələr, xüsusilə COVID-19 pandemiyası dövründə olan durğunluq bu artım tendensiyasını dayandıra bilməyib.
Bu tendensiya, Kanadanın əhalisini və işçi qüvvəsini artırmaq üçün immiqrasiyaya getdikcə daha çox güvəndiyini göstərir.
Məsələn, 2023-cü ildə Kanada 465,000 hədəfini keçərək dəqiq planlaşdırma və həyata keçirilmə strategiyasını nümayiş etdirdi.
2020-ci ildən 2021-ci ilə qədər immiqrasiya sayındakı kəskin artım (341,000-dən 401,000-ə qədər) pandemiya nəticəsində qlobal tənəzzüldən bərpa olunmanı əks etdirir və ölkənin iqtisadi və demoqrafik ehtiyacları ödəmək üçün səylərini artırdığını göstərir.
2015-ci ildən bəri hədəflərin davamlı artması, Kanadanın inkişafını immiqrasiya vasitəsilə sürətləndirməyə yönəlmiş siyasət strategiyasına söykəndiyini bir daha əks etdirir.
Daimi sakin statusu alanlar daha çox hansı ölkədəndir?
Hindistan, 2023-cü ildə 139,790 nəfərdən 2024-cü ildə 127,320 nəfərə düşməsinə baxmayaraq, yenə də immiqrasiya axını ən çox olan ölkə olaraq qalır.
Hindistandan sonra Filippin və Çin sonrakı yerlərdədir, Filippindəki əhəmiyyətli artım ölkənin Kanadaya miqrasiya üçün daha əlverişli imkanlar əldə etməsinin göstəricisidir.
Kamerunun rəqəmlərinin demək olar ki, iki dəfə artması (81.43% artım) isə xüsusi immiqrasiya proqramlarının həyata keçirildiyini və ya Kanadaya immiqrasiya imkanlarının bu ölkədə daha çox tanındığını göstərə bilər.
Əfqanıstanın rəqəmlərinin azalması isə qlobal məcburi köç prosesləri və ya Kanadanın qaçqın siyasətindəki dəyişikliklər ilə bağlı ola bilər.
Nigeriya, Eritreya və İran kimi ölkələrin siyahıda olması, Kanadanın multikulturalizm və iqtisadi imkanları ilə geniş miqrant qruplarına cəlbedici göründüyünü göstərir.
2024-cü ildə əyalətlər üzrə daimi sakin statusu alanların nisbəti
Atlantik əyalətləri (Nyufaundlend və Labrador, Prins Edvard Adası, Yeni Şotlandiya və Yeni Bransvik) yeni daimi sakinlərin sayında artım göstərib.
Yeni Bransvikdə artım 35.17 faiz olub ki, bu da əhali artımını və işçi qüvvəsi çatışmazlığını həll etməyə yönəlmiş Atlantik İmmiqrasiya Proqramı kimi təşəbbüslərlə bağlı ola bilər.
Yeni Şotlandiyada da immiqrant sayında 21.01 faiz artım olub.
- Alberta: 15.20 faiz artım, ehtimal ki, neft və qaz, texnologiya və digər sənaye sahələrində güclü iqtisadi artım ilə əlaqədardır.
- Kvebek: 12.53 faiz artım, fransızdilli miqrantlara üstünlük verən immiqrasiya siyasəti və mədəni cəlbediciliklə izah edilə bilər.
- Britaniya Kolumbiyası: 10.90 faiz azalma müşahidəe dilib ki, bu da Vankuver kimi şəhərlərdə yüksək həyat xərcləri ilə bağlı ola bilər.
- Saskaçevan: 8.02 faiz azalma, iqtisadi çətinliklər və ya immiqrasiya ilə bağlı diqqətin digər əyalətlərə yönəlməsi ilə əlaqədar ola bilər.
- Manitoba: 0.92 faiz azalma, immiqrantların seçimlərində və iqtisadi imkanlarında kiçik dəyişiklikləri göstərə bilər.
- Ontario: 0.54 faiz azalma, əmlak bazarı şərtləri və iqtisadi amillərin digər bölgələri daha cəlbedici etməsi ilə bağlı ola bilər.
2024-cü ildə ən çox PR verilən 10 şəhər
Ottava bölgəsi 28.28 faiz artım göstərib ki, bu da federal hökumətdəki iş yerləri, texnologiya sektorunun inkişafı və Toronto və ya Vankuverə nisbətən daha aşağı yaşayış xərcləri ilə izah edilə bilər.
Kanadanın immiqrasiya strategiyası ölkənin iqtisadi ehtiyaclarını qarşılamaq və demoqrafik balansı qorumaq məqsədi daşıyır. Bu rəqəmlər, Kanada hökumətinin planlaşdırılmış və davamlı immiqrasiya siyasəti həyata keçirdiyini sübut edir.
