Torontoda yaşayan və ya şəhərə qonaq gələn bir çox insan məşhur Royal Ontario Museum (ROM) muzeyinə bilet qiymətlərinin baha olduğunu düşünür. Əslində 4 nəfərlik ailə ödəniş etmədən muzeyi ziyarət edə bilər.
Qeyd edək ki, uşaqla gedirsinizsə, muzeyi bir günə gəzib qurtarmaq mümkün deyil.
ROM-da hər ay pulsuz giriş günü var
ROM hər ayın üçüncü çərşənbə axşamı bütün ziyarətçilər üçün pulsuz olur. Muzeyə giriş saat 16:00-dan 20:30-dək ödənişsizdir. Amma öncədən bilet rezervasiyası mütləqdir. Yəni hər ayın üçüncü çərşənbə axşamından 2 həftə əvvəl rezervasiya başlayır. Biletinizi nə qədər tez alsanız, o qədər yaxşıdır, çünki gec müraciət etsəniz, biletlər bitmiş ola bilər.
Necə rezerv edək?
Yer rezerv etmək üçün www.rom.on.ca səhifəsinin yuxarı hissəsindəki “Book Tickets” düyməsinə klikləyin, təqvimdə ayın üçüncü çərşənbə axşamını seçin və bir az aşağıda “3rd Tuesday Nights Free” bölməsini klikləyərək muzeyə daxil olmaq istədiyiniz saatı və neçə nəfər üçün pulsuz bilet lazım olduğunu seçin.
Kanadada kollec və ya universitetdə tamştat təhsil alan tələbələr hər çərşənbə axşamı ROM-a pulsuz daxil ola bilirlər. Bunun üçün girişdə tələbə kartını göstərmək kifayətdir.
Ünvan: 100 Queen’s Park, Toronto
Metro ilə getmək üçün: Museum Station və ya St. George Station yaxınlığında yerləşir.
Muzeydə nələr var?
Əsasən Kanadadan tapılmış Dinozavr skeletləri
Qədim Misir bölməsi
Təbiət və heyvanlar aləmi
İnteraktiv uşaq zonası
Sərgilər mövcuddur
Növbəti ayların pulsuz giriş günləri
16 İyun
21 İyul
18 Avqust
15 Sentyabr
