Marketlər növbəti həftələrdə qiymət artımının olacağını deyir
Ötən ay illik inflyasiya tempi azalsa da, kanadalılar ərzaq məhsullarının qiymətində daha sürətli artım hiss ediblər. Kanada Statistika Komitəsinin məlumatına görə, aprel ayında mağazalardan alınan ərzaq məhsullarının qiymətləri ötən ilin eyni dövrü ilə müqayisədə 3.8% artıb. Bu göstərici mart ayında 3.2% idi. Bu, ərzaq qiymətlərinin inflyasiyaya uğradığı ardıcıl üçüncü aydır. Aprel ayı üzrə ümumi inflyasiya göstəricisi 1.7% olub.
Kanada Statistika Komitəsinin məlumatına görə, qiymət artımı müşahidə edilən məhsullar arasında təzə tərəvəzlər (3.7%), təzə və ya dondurulmuş mal əti (16.2%) və qəhvə ilə çay (13.4%) olub. Restoranlardan alınan ərzaq məhsullarının qiymətləri də aprel ayında artaraq 3.6%-ə çatıb. Martda bu göstərici 3.2% idi.
Mütəxəssislər düşünürlər ki, bu günə qədər ticarət müharibəsinin ərzaq inflyasiyasına təsiri az olub. Amma növbəti aylarda bu, dəyişə bilər. Kanadadakı böyük marketlər tariflər səbəbindən növbəti həftələrdə qiymət artımlarının olacağı barədə xəbərdarlıq ediblər.
